Wachimba Madini katika eneo la Pangoyi secta Bapere wilayani Lubero watoa wasiwasi wao kuhusu bomu zilizo achwa na watu wanao dhaniwa kuwaa ADF karibu na migodi

Taarifa zasema wachimba migodi katika misitu ya Pangoyi alikuta mabomu mbali mbali karibu na migodi yao bila kufahamu wahusika. Swaala lililo zusha wasiwasi mkubwa miongoni mwa wachimbaji na kuomba serikali kuweka kikosi cha kuchunguza silaha na mabomu yanayoachwa porini ambazo ni hatarishi kwa wananchi.

Wachimba madini wakitamani kuanza kazi upya za uchimbaji baada ya eneo hilo kushambuliwa na watu wenye silaha wanaodhaniwa kuwa ADF ambao walishambulia migodi siku zilizopita na kulazimisha wachimba migodi kuhama na kukimbilia mji wa Mangurudjipa.

Kambale Kanzuli Régis Kemel, kiongozi kutoka Shirika la Macomin (Cooperative Mahoho Mining) Shirakawa linalosimamia wachimba madini Pangoyi Muhanga, asema kwa sasa hali ya kimaisha ni mbaya na ya wasiwasi kutokana na uwepo wa ADF karibu na eneo lao hasa katika misitu ambako wanajitawala bila kutishwa.

Mbali na wachimba madini, kumekuwa na shida kubwa kwa wakulima wanaolima pembeni ya eneo la migodi, kwa kuwa wengi wao hushambuliwa ama kutekwa wakiwa mashambani. Kiongozi huyo ameomba serikali ya Congo kupitia jeshi lake la FARDC na UPDF kushirikisha makundi ya wazalendo wenye nidhamu kusaka ADF katika misitu ya Bapere ambako wapiganaji hao wa kigaidi hujificha na baadaye kuja kushambulia wakaazi.

ADF kwa sasa inaendelea kujijenga katika Wilaya ya Lubero, Beni na sehemu nyingine ya Ituri, na kwa sasa wakiripotiwa katika eneo la Tsopo ambako wanapiga kodi kwa wakulima wa kakao ili wasiuwawa.

MTV1 Online - Abel Tsongo