Wanafunzi wa shule wafariki Dunia

Wanafunzi wawili wafariki dunia baada ya kuzama maji katika mto Mususa Jumamosi tarehe nane Novemba, wakiwa katika kazi za shule kwa ajili ya ujenzi wa shule yao kwenye kijiji cha Ngozi, eneo la Muhola, takribani kilomita themanini magharibi mwa mji wa Butembo, wilayani Lubero, Kivu Kaskazini.

Taarifa zasema wanafunzi wa shule ya msingi Ngozi walikuwa katika kazi za kubeba miti kwa ajili ya ujenzi wa shule yao, tabia kama hizi zikishuhudiwa katika maeneo mengi ambako wanafunzi hushirikishwa katika kazi za shule, ingawa shule nyingi huwaomba wazazi fedha za ujenzi.

Kufariki kwa wanafunzi hao kumezua wasiwasi mkubwa kwa wazazi kwani hadi sasa miili yao bado haijaonekana. Mmoja kati yao alinusurika, lakini kwa bahati mbaya yule aliyekuwa akijaribu kuwaokoa naye alifariki dunia baada ya kubebwa na mafuriko makali.

Mto Mususa huchukua maji yake katika eneo la Vighole, Butembo na kuelekea Yivugha hadi Mangurudjipa, ukiwa na nguvu zaidi wakati wa mvua kubwa.

Wilayani Lubero na mjini Butembo ni maeneo yanayohitaji ujenzi wa madaraja katika sehemu nyingi kutokana na uoto wa milima, unaosababisha maji mengi wakati wa mvua kali na hivyo kusababisha vifo vya watu, wakiwemo wale wanaobebwa na maji bila kupatikana miili yao baadaye. Polisi imeanzisha uchunguzi na kuwakamata baadhi ya viongozi wa shule ili wajieleze zaidi kuhusu tukio hilo.

Abel Tsongo - MTV1 Online