Wanafunzi zaidi ya elfu Kumi na tano wa kiprimary Kama vile wakisecondary wakosa Shule

Mashambulizi ya ADF yamesababisha sehemu za kujifunzia kukosa wanafunzi kutokana na kufungwa kwa shule ambazo walimu wake wengi wameshakimbia vijiji kufuatia mashambulizi ya ADF katika sekta ya Bapere, ambako kwa sasa hakuna usalama.

Tangu Jumatatu, tarehe 28 Oktoba, shule zote zimefunga milango yake kutokana na mashambulizi ya mara kwa mara katika mji wa Manguredjipa — mji mkuu wa sekta ya Bapere — ambao kwa sasa unashuhudia wakaazi wengi wakikimbia makaazi yao kuelekea maeneo salama.

Babia, mkuu kiongozi wa shirika jipya la kiraia, amesema kwa sasa wanafunzi wengi wamesambaratishwa kutokana na mashambulizi ya watu wanaodhaniwa kuwa wanamgambo wa ADF.

Babia ameomba serikali ya Congo kujikita katika kurejesha usalama wilayani Beni na Lubero, Kivu Kaskazini, pamoja na wilayani Mambasa na Irumu mkoani Ituri, mashariki mwa Congo.

Inafahamika kuwa tangu Septemba 8, shule zilisimamishwa katika vijiji vya Kasenye, Ntoyo, na Masisi baada ya mauaji ya watu zaidi ya sabini katika kijiji cha Ntoyo.

Wakaazi kwa sasa hawana tena tumaini la kuishi kutokana na mashambulizi ya mara kwa mara karibu na Manguredjipa, na wengi wamelazimika kuhama — wengine wakielekea Njiapanda na wengine mjini Butembo.

Bei ya usafiri na vyakula imepanda kwa kiwango kikubwa. Kuondoka Manguredjipa hadi Butembo, umbali wa kilomita mia moja, wakaazi wanalazimika kulipa kati ya dola thelathini hadi hamsini. Hali ya kiuchumi imedidimia kutokana na kushambuliwa kwa mashamba na maeneo ya uchimbaji madini ya Pangoy/Muhanga — maeneo ambayo yalikuwa yanazalisha chakula na kuinua uchumi wa wakaazi wa Manguredjipa.

MTV1 Online